إرجع للشاعر إبراهيم بني عرابة****

هــُ وينك يا أعزّ الناس
تعال و ظمّني لحظة
و خبّيني وسَط عينك
و داريني مع الإحساس

أنا مشتاقلك والله
تعبت احيى بلا شوفك
رجاتي لمسة كفوفك
تعبت احيى بدون انفاس

عطش صيفي..
شتا بارد..
و احسّ بمعطفك إللي
يلملمني ظلوع يْباس

ونا لا زلت أنتظرك
أنادي الشوق
"تحمّلني وسَط أسرك..
شقاي و لهفتي حرّاس"

أهو وينك.. ؟!
رجيتك يا وليف الروح
أنا منهو أنا دونك !!
تعال وجاوب الحيرة..
تعال و شوف أحزاني
تشارك قهوتي المجلاس

و شوق(ن) مالي ِ الدلّة
يبلّ الريق بغيابك
تصدّق ؟! حتى فنجالي
نطق بالشوق لشفاهك
حلم يصحى على بكره
ويلمس سكّرك ذايب
بعطرك لي ملى الأنفاس

حبيبي وين مبْعدتك خطاك و سارح بكونك
تعال و ضمّد جروحي بصوتك ما غديت اسمع

تعال و طمّن عيوني.. وخذهم كان يرضونك
تداريهم.. تعذّبهم.. أنا بسْ همّي لي ترجع

مــَ عادت فارقة عندي كثر ما صارو يطرونك
تعال و لمّها عيوني وخفّف جرحها الـــ يدمع

هنا منديلي الأبيض تعوّد يلمس عيونك
تعذّب من شتا عيوني و هــِ بْمحرابها تركع

يموت الصبح كل ليلة.. ونا عايش كذا دونك
يعيش البرد فــ ظْلوعي.. و صبحك ما رضا يطلع

لأنّ الشمس جمّدها – وهي تصرخ على هونك-
بُعادك يا مجمّدني ببردك صرت له أخضع

تعوّدت الدفا بْحظنك وجمر الشوق مخزونك
يذوب البرد فـي حظني وْ قصيدة مْنِ الوله يطبع

تعال و بلّل شفاهي.. و خلْ ترويني مْزونك
شبع جوع الظما منّي.. و هجرك ما رضى يشبع

كفى إرجع وإرحمني بعَد ما صرت ممنونك
تعب صوتي من لْساني كثر ما نادتك "إرجع"

دخان الشوق ذا ثاير كثر مشتاق لعيونك
حزين وْ ينولد فيني لأحزان البشر مصنع

وعدت اجبر عيوني بعْد ما أجفاك ينسونك
و شفت دموع من بين الهدَب شقّت لها منبع

وقلت احفظ قراطيسي كذا بيض(ن) مثل لونك
لقيت انّ القصايد في ظلوعي للحزن مرجع

كثر هذي الحنايا مْعاندتني و تبغي ِ تْصونك
أخاف ان أمسك لساني يبوح بحبّك الإصبع

و اخاف الصبح يتنازل و اعيش الليل عــ شؤونك
بعَد أيقنت ما عادت محطّات السنة أربع

شتا بارد وْ صيف(ن) ظامي(ن) يتجرّع طعونك
ونا من كثـْر لك ظامي لساني خايف(ن) أبلع

كثير الوقت عاندني وَنا أصرخ على هونك
يمرّ العمْر بغيابك ونا اتْسائل متى ترجع

تعال و ظمّني لحظة و داوي جرح مفتونك
أخاف يظمّني ترابك ولا ناديتلي مــ اسْمَع

حبيبي وين ودّتك خطاك و صيّرك كونك
تعبت الليل أنتظرك و أحلم بالصبح يطلع..

..وحظني يغرق بخظنك.. و صوتي يلمس عْيونك
و اشوف عيونك الحلوة بنشوات الفرح تدمع

king